Реклама
Спорт хәбәрләре
УҢЫШЛАР ТЕЛИК: Актанышның 10 спортчысы Курскида XII Бөтенроссия авыл спорт уеннарында катнаша (ИСЕМЛЕК ТӘ БАР)
Алар печән дә чабачак, сыер да савачак, спорт белән шөгыльләнәчәк.
Кичә, 1 августта, Татарстан спортчылары Курск өлкәсенә юл тотты. Алар XII Бөтенроссия җәйге авыл спорт уеннары финалында катнашачак. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.
XII Бөтенроссия җәйге авыл спорт уеннары финалы 3-7 август көннәрендә Курск шәһәрендә уздырыла. Курск сугышында җиңүнең 75 еллыгына багышланган әлеге ярышларда Татарстаннан 39 спортчы һәм 4 тренер катнаша. Алар сафында 10 актанышлының булуы сөенечле.
Актаныш районы Башкарма комитетының яшьләрэшләре, спорт һәм туризм бүлеге җитәкчесе Айдар Иманаев төркемендәге Ирек Мөхәммәтов - полиатлон, Искәндәр Һадиев, Айбулат Хуҗин, Фирүзә Җиһангирова, Нәзилә Бәхтиева - җиңел атлетика, Равил Хаҗиев, Лилия Гәлләмова - печән чабу төре буенча көч сынашачаклар. Сөембикә, Айгөл, Рим Яппаровлар исә Бөтенроссия авыл спорт уеннарында спорт гаиләсе буларак чыгыш ясаячак.
Сүз уңаеннан, Авыл уеннары программасы 18 дисциплина: армрестлинг, баскетбол 3х3, волейбол, гер күтәрү, җиңел һәм авыр атлетика, мас-рестлинг, мини-лапта, өстәл теннисы, аркан тартышу, полиатлон, самбо һ.б. буенча ярышларны үз эченә ала.
чыганак һәм фото: https://tatar-inform.tatar/
Следите за самым важным и интересным в Telegram-каналеТатмедиа
Нет комментариев