Кышка кабачкидан һәм помидордан ясалган салат - берьюлы икеләтә порция әзерләгез!
ИНГРЕДИЕНТЛАР 1 кг ташкабак (чистартылган килеш) 1,5 кг томат 4 болгар борычы (теләсә нинди төстә) 5-6 теш сарымсак 100 г шикәр 1 аш кашыгы тоз 1 аш кашыгы 9% серкә 1 аш кашыгы үсемлек мае
Кабачкаларны уртача зурлыктагы (1,5-2 см) шакмаклап кисәбез. Яшь кабакларны кабыгы һәм орлыклар белән бергә кулланырга мөмкин, ә өлгергәннәренең, һичшиксез, кабыгын чистартырга һәм орлыкларын алырга кирәк.
Помидорларны һәм болгар борычын уртача зурлыктагы шакмаклап турарга. Теләгән очракта помидор һәм борычны кабыгыннан чистартырга мөмкин.
Киселгән помидорларны кәстрүлгә салабыз һәм плитәгә куябыз. Шикәр, тоз өстибез, болгатабыз. Кайнатып чыгарабыз, вакыт-вакыт болгатып, помидорларны 10 минут пешерәбез. Аннары кабак һәм борыч өстибез. Үсемлек мае кушабыз. Болгатабыз. Кайнатып чыгарабыз һәм яшелчәләрне 30 минут пешерәбез.
Әзер булырга 15 минут кала, пресс аша чыгарылган сарымсак өстибез. Вакыт-вакыт сак кына болгатабыз.
Әзер булырга 1-2 минут кала серкә өстибез һәм шунда ук капкач белән ябабыз. Кайнатып чыгарабыз дә уттан алабыз. Кайнар килеш стерильләштерелгән банкларга тутырып, капкачлап куябыз. Банкаларны әйләндерәбез, төреп, тулысынча суынганчы калдырабыз.
Следите за самым важным и интересным в Telegram-каналеТатмедиа
Нет комментариев