ХӘЕРЛЕ СӘГАТЬТӘ: Актаныш игенчеләре уракка төште

автор, 4 август 2017 - 06:22

"Быел Татарстан авыл хезмәтчәннәре уракка төгәл ике атнага соңга калып төште. Әлеге факт безне бик сагайта", - дигән иде 2 август көнне муниципаль берәмлекләр белән оештырылган видеокүпер барышында республиканың авыл хуҗалыгы һәм азык-төлек министры Марат Әхмәтов. Игенчелек тармагында хезмәт куючы бар кешене дә борчый торган мәсьәлә ул бүген. Быел үлән...

Быел үлән һәм салам массасы зур, димәк, сугучылар өчен йөкләнеш тагын да арта, дигән сүз. Өстәп, көннәр кыскара, караңгы иртәрәк төшә, иртәләрен чык кипкәнне көтәргә вакыт күбрәк китә.

- Соңгы ун елны карасак, комбайннарга мондый зур нагрузка булганы юк иде, - ди бар гомерен авыл хуҗалыгы тармагына багышлаган "Ташкын" хуҗалыгы рәисе Рәүхәт Салихҗанов. - Әмма комбайнчыларыбыз ышанычлы, тәҗрибәле механизаторлар. Урып-җыюга үзебезнең 4 комбайн тулысынча әзер, әле менә яңа "Акрос" комбайны да кайтты. Игеннәр, күреп торасыз, бик матур, тик басудагысы икмәк түгел, амбардагысы икмәк. Югалтуларсыз, хәвеф-хәтәрләрсез эшләп, шушы икмәкне амбарларга тутыру, киләсе ел уңышына нигез салу, халыкны икмәк белән, терлекчелекне фураж белән тәэмин итү - безнең бурыч.

Хуҗалыкның амбарлары икмәк кайтуга чистартып әзерләп куелган.

- Амбарларда икешәр сменада барысы 15ләп кеше эшләячәк. Моңа хуҗалыктагы төрле эштә йөрүчеләрне дә, мәктәп укучыларын да, өлкәннәрне дә җәлеп иттек, - дип сөйләде хуҗалыкның склад мөдире Нурсилә Гыймаева. - Көнлек икмәкне кабул итеп, урнаштырып барырга складларыбыз әзер.

Мәктәп укучыларына хуҗалык хезмәткәрләренә караганда 20%, өлкәннәргә 10%ка күбрәк түләү дә амбарга эшкә килүчеләр санын арттыргандыр. Эшлим, дип торучылар җитәрлек икән.

Икмәкне, нигездә, хуҗалыкның үзендә эшкәртәләр. Монда шулай көйләнгән: басудан икмәк кайта тора, орлыкныкы - орлыкка, фуражныкы - фуражга, халыкка дигәне халыкка аерып салынып, эше бетеп бара. Көз-кыш көне икмәк кузгатып йөри торган гадәт юк "Ташкын"да.

Районда урып-җыюга старт бирү алдыннан традицион рәвештә бар хуҗалык җитәкчеләре, комбайнчылары, баш инженерлар, баш хисапчылар катнашында 3 август көнне узган чараның да "Ташкын" базасында узуы очраклы түгелдер. Комбайнчыларны районда булган бөтен төр комбайннар, аларның үзенчәлекләре, куркынычсыз эксплуатация шартлары, яңа таләпләр белән таныштыруны үз эченә алган укыту, хуҗалык амбарында көзге чәчүгә орлык әзерләү мәсьәләләре һәм бүгенге көнгә культураларның өлгереше турында фикерләшүләрне дә үз эченә алып, Иске Байсар клубында дәвам итте.

Район авыл хуҗалыгы идарәсе башлыгы Дәниф Харисов язгы чәчүдән бу көнгәчә район кырларында алып барылган эшчәнлеккә анализ ясады, урып-җыюда катнашачак техника, кайткан икмәкне кабул итү, урнаштыру мәсьәләләре, хезмәткә түләү тәртибе турында фикерләрен җиткерде. Урып-җыюга старт бирелде:

- Басуда үскән мул уңышны күрү - сөенеч, ә аны җыйнап алуга ирешү - олы бәйрәм. Яшәешебез нигезен ипикәй хәл итә. Быел да республика үсешендә Актаныш икмәге мөһим роль уйнасын иде, дигән теләктә калабыз, - диде Дәниф Харисов.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2022. СМИ Актаныш. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: СМИ: Актаныш
№ свидетельства о регистрации СМИ, дата: ЭЛ №ФС77-47622 от 07.12.2011
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Гимадиев Айнур Расимович
Адрес редакции: 423740, с. Актаныш, пр. Ленина, д. 49
Телефон редакции: 8(85552) 3-09-29, 3-15-44

Электронная почта редакции: airs16@mail.ru

Электронная почта для сообщений о фактах коррупции: airs16@mail.ru.

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+