Игелек марафоны

Бүген Актаныш районында мөмкинлекләре чикләнгәннәр декадасы тәмамлана. Актанышта инде ундүртенче ел үткәрелеп килүче Игелек марафоны лаеклы хезмәт итә. Хуҗалык, оешма җитәкчеләре, җирлек башлыклары, төзүчеләр, банкирлар, сәүдәгәрләр, хокук саклау органнары, гаилә фермалары, мәгариф, медицина, мәдәният, спорт, социаль яклау бүлеге хезмәткәрләре ярдәм күрсәтә. Узган ел 1309525 сум акча җыелган иде. Һәм бу акчалар ел дәвамында ярдәмгә мохтаҗлар өчен тиененә кадәр тотылып бетте. Мәдәнят хезмәткәрләренең чыгышлары, "Актаныш авазы" телевидениесенең күңелне тетрәндергеч кинолары белән үрелеп барган марафон турында тулырак "Актаныш таңнары" газетасының 19 декабрь санында укый алырсыз.