КӨН КАДАГЫНДА: Быел да Актаныш игенчеләре амбарларга икмәкне җыр-моңга төреп озата (+ФОТОМИЗГЕЛЛӘР + ВИДЕО)

Урып-җыю кампаниясе чорында Актаныш районының мәдәният хезмәткәрләре, агитбригада төркеме булдырып, басу-кырларга концерт программалары белән чыга. 1 август көнне агитбригаданың тәүге концерын карап,  “Актаныш” агрофирмасының Актаныш бүлекчәсе игенчеләре  күңелләренә ял алды инде.

Чулпан Салихова, Атлас Әмируллин, Марат Шәйхетдиновлардан торган төркем игенчеләрне  ялкынлы сүзләре, дәртле, моңлы җырлары белән ял иттерәләр.

Алдагы көннәрдә дә агитбригадаларның чыгышлары дәвам итәчәк. Ни генә дисәк тә, җырлы хезмәт - күңелле хезмәт.