“Татфондбанк“ ябыламы?

"Татфондбанк"ның ябылу куркынычы турында берничә көн элек таралган хәбәр бар кертемчеләрне кузгаткан. Кичә "Татфондбанк" ишекләренең сәгать 9дан гына ачылуы турында язу эленеп торса да, салган акчаларын югалтудан курыккан халык 8 тулганчы ук ишек төбенә килеп баскан иде инде. "Бу хәл - вакытлы күренеш, банк ышанычлы, салынган акчалар берничек тә югала алмый", - диләр биредә хезмәт куючы белгечләр. - Кертемнәр барысы да иминиятләштерелгән." Яңалыклар белән танышырга теләүчеләр "Татфондбанк"ның рәсми сайтына керә ала: https://tfb.ru/.