Кыю материаллары белән данлыклы!

Кыю язмалары, үткен каләме, бай мәгълүматлы материаллары белән танылган Ләйсән Глүс кызы — «Интернет басмаларындагы ришвәтчелеккә каршы иң яхшы публикацияләр сериясе» номинациясендә 1 урынны яулады. Бүген мөхтәрәм коллегабыз мәркәзебез Казанда, бүләкләнү тантанасында булды. Каләмдәшебезне ихлас йөрәктән тәбриклибез. Иҗат чишмәләрегез һәрвакыт гөрләп аксын, каләмегез бүгенгедәй очлы, сүзегез үткер, уңышларыгыз тагын да күп булсын. 

Шулай ук җитәкче-баш мөхәррирнең радиотапшырулар буенча урынбасары Әлфия Мөхәммәтова да үзенең юнәлеше буенча 2 мәртәбәле урынга лаек булган. Әлфия марсел кызын да ихластан котлыйбыз, көнүзәк тапшырулары белән тыңлаучыларны һәрчак сөендереп эшләргә язсын.