Бүген Актанышлылар “Татарча диктант” белем тикшерү акциясендә катнашты

Бүген, 26 сентябрь көнне  татар теленнән белем тикшерү «Татарча диктант» дөньякүләм акциясе  онлайн форматта узды.

Акциянең максаты – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру.
 

Дөньякүләм санитар-эпидемиологик ситуациягә бәйле рәвештә, быел Акция ТНВ-Татарстан һәм ТНВ-Планета телеканалларында туры трансляция форматында барды. 

Район үзәгендәге Актанышның икенче санлы мәктәбендә үткәрелгән акциядә укучылар, мәгариф хезмәткәрләре, һәм башкалар катнаштылар.

Нәтиҗәләргә килгәндә алар акция үткәннән соң 30 көннән дә соңламый билгеле булачак.