Җиңел автомобиль КамАЗ йөк машинасы астында калып изелгән: югалтулар бар

Иртән иртүк Әлмәт районында Ак-Чишмә авылы янында үлем белән тәмамланган юл-транспорт һәлакәте булды. КамАЗ һәм җиңел машина маңгайга –маңгай бәрелешә. Нәтиҗәдә, йөк машинасы автомобиль салоны эченә килеп керә. Җиңел машина йөртүче шунда ук һәлак була.

"ВАЗ автомобиле йөртүчесе, башлангыч мәгълүматлар буенча, куркынычсыз тизлек сайламаган, каршы як полосага чыккан һәм идарәне югалтып КАМАЗ автомобиле белән бәрелешкән», – дип ачыклык керттеләр республика Дәүләт автоинспекциясендә.