Казанда республика авыл хуҗалыгы һәм эшкәртү сәнәгате көне уңаеннан зур чара оештырылды

Бүген Казанда республика авыл хуҗалыгы һәм эшкәртү сәнәгате көне уңаеннан зур чара оештырылды. Биредә авыл хуҗалыгы тармагында уңышларга ирешкән җитәкчеләр, хезмәтчәннәр катнашты.

Бәйрәм барышында авыл хуҗалыгы тармагын алга җибәрүдә зур өлеш кертүчеләргә дәүләт бүләкләре дә тапшырылды. Район башлыгы Энгель Фәттаховка “Россия Федерациясенең Атказанган авыл хуҗалыгы хезмәткәре” дигән мактаулы исем бирелде. Әлеге бүләкне аңа Республика Президенты Рөстәм Нургали улы Миңнеханов тапшырды. Энгель Нәвап улын ихлас күңелдән тәбрик итеп, алдагы хезмәтендә дә уңышлар телибез.

Бәйрәм сәхнәсен “Агыйдел” дәүләт җыр һәм бию ансамбле коллективының чыгышлары бизәде. Аларны кунаклар алкышларга күмде.