Актаныш

Коронавирус вәзгыяте буенча яңа мәгълүматлар

Татарстанда Covid-19 инфекциясенең 29 яңа очрагы ачыкланды, икесе читтән кертелгән

(Казан, 24 август, «Татар-информ»). Татарстанда коронавирусның 29 яңа очрагы теркәлгән, шуларның икесе — читтән кертелгән. Бу хакта ТР Сәламәтлек саклау министрлыгының матбугат хезмәте хәбәр итә.

«4 кеше хастаханәгә салынган, 25 кеше өйдә дәвалана», — диелә ведомство хәбәрендә.

18 очрак - Казанда, өчесе — Саба районында, Чаллыда, Алексеевск, Әлки, Әлмәт, Бөгелмә, Яшел Үзән, Лаеш, Нурлат районнарында берәр очрак ачыкланган. Авыручыларның күбесе 30дан 50 яшькә кадәр булган төркемдә — алар 15 кеше.

Статистика алып барыла башлаганнан бирле Татарстанда барлыгы 6308 кеше коронавирус инфекциясе белән авырды, 5128 кеше терелде.  

tatar-inform

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: