Актаныш

Актаныш районы

16+
2024 - Гаилә елы
В республике

Коронавируска иммунитет беренчеләрдән булып табибларда һәм укытучыларда тикшереләчәк

Татарстанда коронавирус инфекциясенә каршы антитәнчекләргә тестны 50 мең кешегә ясаячаклар, әмма социаль өлкәдәге барлык хезмәткәрләргә тест ясап булмаячак.

(Казан, 26 август, «Татар-информ», Эвелина Киселёва). Татарстанда яңа коронавирус инфекциясенә иммунитет булу-булмауга социаль хезмәткәрләрне тикшерәчәкләр. Хәзер Татарстан Сәламәтлек саклау министрлыгы республика районнары буенча тестлар үткәрә. Бу хакта «Татар-информ» мәгълүмат агентлыгында узган матбугат конференциясендә Татарстан сәламәтлек саклау министры урынбасары Владимир Жаворонков сөйләде.

«Хәзер районнар, муниципаль берәмлекләр буенча тестлар санын билгелиләр. Чыннан да, хәзер сүз 50 мең кеше турында бара», — дип сөйләде спикер.

Жаворонков сүзләренчә, беренче чиратта Covid-19 инфекциясенә иммунитетка социаль өлкә хезмәткәрләрен — табибларны, укытучыларны тикшерәчәкләр. Ләкин бу өлкәдә эшләүче барлык хезмәткәрләр турында сүз дә булырга мөмкин түгел.

Реклама

«Беренче этапта бу 50 мең белән без барысын да колачлый алмыйбыз», — диде министр урынбасары.

«Татар-информ» мәгълүмат агентлыгы хәбәр иткәнчә, Татарстан Сәламәтлек саклау министрлыгы халыкны Covid-19 инфекциясенә иммунитет булу-булмауга тикшерә башлаган иде.

https://tatar-inform.tatar/news/health/26-08-2020/koronaviruska-immunitet-berenchel-rd-n-bulyp-tabiblarda-m-ukytuchylarda-tiksherel-ch-k-5766340

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев