КҮРШЕЛӘРДӘ ФАҖИГА: Минзәлә районында 56 яшьлек комбайнчы ургычка эләгеп һәлак булган

Кичә, 25 июль көнне, Минзәлә районы Дружба авылы янында басуда урып-җыю эшләре барышында 56 яшьлек комбайнчы үлгән.

РФ Тикшерү комитетының Татарстан буенча тикшерү органнары башлангыч тикшерү уздыра, дип хәбәр ителә Тикшерү идарәсе сайтында.

«Нива» комбайнында эшләгән ир-ат, әлегә билгесез сәбәпләр аркасында, ургычка эләккән. Тән җәрәхәтләреннән урында ук һәлак булган.

Фаҗиганең барлык нечкәлекләре тикшерелә. Соңыннан процессуаль карар кабул ителәчәк. 

Чыганак: https://tatar-inform.tatar/news/incident/26-07-2021/minz-l-rayonynda-56-yashlek-kombaynchy-urgychka-el-gep-lak-bulgan-5831495