Әлмәттә 20 кешене коткарып калганнар
Кичә кич Габдулла Тукай проспектындагы 29нчы номерлы тугыз катлы йортта янгын чыга, дип хәбәр итә РФ Гадәттән тыш хәлләр министрлыгының ТР буенча Баш идарәсе.
20: 21 сәгатьтә торак йортның подвалында төтен чыгу турында хәбәр килә. Баскыч мәйданчыгында да көчле төтен күзәтелгән.
Янгын сүндерүчеләр килгәнче 5 кеше үз көчләре белән куркыныч урыннан чыга алган. Калганнарның юлын төтен кисә. Аларга коткаручылар ярдәм итә. Барлыгы 20 кеше чыгарылган, алар арасында ике бала да булган.
7 кв. метр мәйдандагы янгын тиз арада сүндерелә.
Һәлакәт нәтиҗәсендә 1944 һәм 1930 елларда туган ир-ат һәм хатын-кыз зыян күрә. Төтеннән агулану сәбәпле, аларны Әлмәт хастаханәсенә озатканнар.
Следите за самым важным и интересным в Telegram-каналеТатмедиа
Нет комментариев