Актаныш

Миңнеханов үзизоляциядә татарстанлыларга ярдәм иткән барлык кешеләргә рәхмәт әйтте

Ике айда республикада 210 меңгә якын азык-төлек җыелмасы әзерләгәннәр.

(Казан, 4 июль, «Татар-информ»). Татарстан Президенты Рөстәм Миңнеханов гаиләләрдә җан башына уртача керем яшәү минимумыннан түбәнрәк булган гаиләдә тәрбияләнүче балаларны, аеруча зыян күргән тармакта эшләүче үзмәшгуль һәм эшмәкәрләр балаларны һәм 65 яшьтән өлкәнрәк ялгыз яшәүче пенсионерны азык-төлек белән тәэмин итү акциясенә йомгак ясады. Акция «Ярдәм янәшә. Помощь рядом!» кысаларында узды. Бу турыда Татарстан Президенты матбугат хезмәте җитәкчесе Лилия Галимова сөйләде.

Ике айда республикада 210 меңгә якын азык-төлек җыелмасы әзерләнгән.

«Әһәмиятле социаль проектны гамәлгә ашыру өчен финанс ярдәм күрсәткән хәйриячеләргә  рәхмәт белдерәм. Монда бюджет акчалары юк. Хәйриячеләр, зур һәм кече компанияләр, эшмәкәрләр ярдәм итте», — диде Рөстәм Миңнеханов.

Реклама

Татарстан Президенты «Бәхетле» компаниясенә һәм аның җитәкчесе Мөслимә Латыйповага азык-төлек җыелмаларына сыйфатлы төргән һәм оператив китергән өчен рәхмәт әйтте.

«Әлегә бу җыелмалар сыйфаты буенча канәгатьсезлек белдерүче булмады. Алар бу эшкә җаваплы карады», — диде Татарстан Президенты.

 https://tatar-inform.tatar/news/official/04-07-2020/mi-nehanov-zizolyatsiyad-tatarstanlylarga-yard-m-itk-n-barlyk-keshel-rg-r-hm-t-ytte-5754382

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: