Актаныш

Татарстанда «Омикрон» штаммының берьюлы 11 очрагы ачыкланган

Татарстанда коронавирусның "Омикрон" штаммы белән авыруның беренче 11 очрагы расланды. Бу хакта «Вконтакте»да республиканың "Роспотребнадзор" идарәсенең матбугат хезмәте хәбәр итә.

4 очракның Татарстанга башка субъектлардан, 5се — чит илләрдән (Гыйрак, АКШ, Виргин утраулары), Хорватия һәм Мексикадан) килеп керүе билгеләп үтелә. Тагын 2 очрак — җирле.

Сигез авыруда бу штамм кискен респиратор вируслы авыру кебек, ә өчесендә симптомсыз уза.

"Вирус учакларында эпидемиягә каршы чаралар комплексы үткәрелә. Барлык авырулар башкалардан изоляцияләнде, үзләрен яхшы хис итәләр. Авырулар белән элемтәгә кергән 59 кеше тикшерелде. Элемтәдә булган башка кешеләрдә авыру әлегә ачыкланмады", - дип белдерә күзәтчелек ведомствосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: