Тимур Сөләйманов яшьләр эшләре министры итеп билгеләнде

Яшьләр эшләре министрының беренче урынбасары Тимур Сөләйманов яшьләр эшләре министры итеп билгеләнде. Бу хакта "Татар-информ" агентлыгына үз чыганакларыннан билгеле булды.

Яшьләр эшләре министры Дамир Фәттахов 9 сентябрьдә яшьләр эшләре буенча федераль агентлык җитәкчесе урынбасары вазифасына билгеләнгән иде.

Тимур Җәүдәт улы Сөләйманов 1987 елның 4 гыйнварында Казанда туган. Казан дәүләт университетының икътисад һәм Гранада шәһәре (Испания) университетының икътисад факультетын тәмамлый, КФУ аспирантурасын тәмамлый. Министрлык оештырылганчы "Сәләт" яшьләр иҗтимагый фондының башкарма директоры булып эшли. Бер улы һәм ике кызы бар.

Чыганак: https://tatar-inform.tatar/news/society/11-09-2021/timur-s-l-ymanov-yashl-r-eshl-re-ministry-itep-bilgel-nde-5837227