Актаныш

ТР буенча Роспотребнадзор балалар түгәрәкләренең ничек эшләячәге турында сөйләде

Татарстанда барлык белем бирү эшчәнлеге коронавирус чикләүләрне бетерүнең өченче этабы белән бергә яңадан торгызылды.

Татарстанда балалар түгәрәкләре һәм секцияләре эшендә чикләүләр юк, ләкин коронавирус аркасында өстәмә белем бирү учреждениеләренә кайбер таләпләрне үтәргә туры киләчәк. Бу хакта Казан Мэриясендә узган эшлекле дүшәмбе вакытында Роспотребнадзорның ТР буенча идарәсе җитәкчесе Марина Патяшина хәбәр итте.
 

"Шунда ук өстәмә белем бирү учреждениеләре эше турындагы сорауга җавап бирәм. Бүгенге көндә балалар өчен түгәрәкләр, секцияләр һәм өстәмә дәресләр үткәрелә торган мәдәни үзәкләр һәм башка үзәкләр эшенә чикләүләр юк. Әмма әлеге оешмалар профилактиканың барлык чараларын төгәл үтәргә һәм безне ачылышка кадәр бер эш көненнән дә соңга калмыйча хәбәр итәргә тиеш», – дип билгеләп үтте Патяшина.
 

Коронавирус буенча чикләүләрне юкка чыгаруның өченче этабында барлык белем бирү эшчәнлеге яңартылды. 1 сентябрьдән Татарстан балалары өчен уку елы гадәти режимда башлана.

Патяшина искәрткәнчә, әлегә 100 дән артык кеше катнашында урам чаралары рөхсәт ителмәгән. Ә бинада бер үк вакытта 50дән артык кеше булмаска тиеш.

«Татар-информ» мәгълүмат агентлыгы хәбәр иткәнчә, Татарстанда узган тәүлектә 28 яңа коронавирус очрагы ачыкланган. Аларның күбесе Казанга туры килгән, анда 18 кеше авырган.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: