Ял көннәренә кадәр яшенле яңгырлар булачак

                   Сишәмбе һәм чәршәмбе көннәрендә Татарстанда һава торышы актив тирәнәя торган циклонның тыл өлеше йогынтысында формалаша.

              8 июньгә кадәр республикада яшенле яңгырлар һәм көчле җил көтелә. Җилнең тизлеге кайбер урыннарда секундына 26 метрга җитәргә мөмкин. Төнлә һава температурасы +7..+14 гардус аралыгында булыр.

              7 июнь көнне көндез +15..+20 градуска кадәр җылыта, 8 июньдә көндезен җылылык +12..+17 градус кына булыр дип фаразлана.

             Пәнҗешәмбе, 9 июньдә, циклон төньяк-көнчыгышка китә. Синоптиклар бераз яңгыр фаразлый. Төнлә температура - +7..+14 градус, ә көндезен - +18..+23 градус көтелә.

                 Җомга һәм шимбә көннәрендә шулай ук яңгыр һәм яшенле явым-төшем булырга мөмкин, дип фаразлый синоптиклар. Көндез һава температурасы +19..+25 градуска кадәр күтәрелә, диелә хәбәрдә.