Районыбызның муниципаль хезмәткәрләре спартакиадада көч сынаша

          Актаныш җитәкчеләре спортта беренче икәнлекләрен 2022 елда узган республикакүләм спартакиадада җиңү яулап раслаган иде инде.

Тиздән 2023 елның спартакиада ярышлары башланачак. Әлеге бәйгеләргә ныклы әзерлек белән килү төп максат итеп куелды. Бүгенге спартакиада зур спорт чарасы алдыннан көчлеләрне ачыклау да булып тора. Тагын бер мөһим максат- җитәкчеләрне сәламәт яшәү рәвешенә тарту.

         Бүгенге спартакиаданың шактый гына төрләрендә район башлыгы Ленар Зарипов катнашып кул астында эшләүче җаваплыларга үрнәк күрсәтте. ГТО нормаларын тапшыруга әзерлек булып торучы йөзү, йөгерү, чаңгыда узышудан тыш җитәкчеләр балалар иҗат үзәгендә шахмат уйнады.

"Батыр" спорткомплексында өстәл теннисы, бадминтон, волейбол һәм башка бәйгеләрдә көч сынашты.