ЮХИДИ буенча штрафлар түләмәгән өчен 16 райондашыбызга кисәтү ясалды

                   31 октябрьдән 9 ноябрьгә кадәр районыбызда "Куркынычсызлык каешы" ункөнлеге игълан ителде. Соңгы арада куркынычсызлык каешы такмаган 28 райондашыбызга протокол төзелгән.

                   Каршы як юлга чыккан, караңгылатылган тәрәзәләр белән йөргән, исерек хәлдә машина белән идарә иткән 4-әр машина йөртүче инспекторлар тарафыннан тоткарланган һәм машина хуҗалары штрафка тартылган.

                        Район ЮХИДИ бүлекчәсе җитәкчесе Ренат Шәмсиев штрафларын вакытында түләмәүчеләрнең узган ел белән чагыштырганда артуын әйтте.  2022 елда штрафларын түләмәүче 16 гражданга кабат материал төзелгән.