Актаныш районында узган ел белән чагыштырганда талпан кадалу очраклары ике тапкырга арткан

               2021 елда район үзәк хастаханәсенә талпан кадалып 73 райондашыбызга медицина ярдәме күрсәтелсә, 2022 елның 1 августына 116 кеше зыян күргән.  Бигрәк тә май аенда талпан кадалу  күп булган- 69 очрак. Җәйнең өченче аена аяк басканда инде табигать казасы үзен сиздерми башлаган.

              Әмма Чаллы шәһәрендә, киресенчә, җәйнең эссе көннәрендә талпан кадалып авыруга дучар булучылар  бар. Талпан энцефалиты белән зарарлану очрагы – Удмуртиядән кайткан кешедә, ә боррелез инфекциясе белән Чаллыда яшәүче кешедә теркәлгән», - дип хәбәр иттеләр Роспотребнадзорда.