Белгечләр суда иминлек кагыйдәләрен искәртте

             Бары тик рөхсәт ителгән урыннарда гына коенырга ярый. Әгәр сезне көчле агым алып китә башласа, агым буенча йөзәргә кирәк, югыйсә, ярга җиткәнче, хәл бетәргә мөмкин.
               Сал, баржа яки пристань астына эләксәгез, күзегезне ачыгыз, тирә якка күз салыгыз һәм яктылыкка таба йөзегез.
 

             Арыганны сизгәч, югалып калмагыз, тыныч суларга тырышыгыз. Ял итү өчен, аркага ятып, җиңелчә генә ишеп һәм аяклар ярдәмендә үзегезне су өслегендә тотып калыгыз.
 

                Суда озак булмагыз — бу туңуга, көзән җыеруга китерергә мөмкин.