Актаныш

Беренче билгесе сизелүгә шикәрне туктатырга, рационга майлы ризыклар кертергә кирәк

Үзегездә коронавирус билгеләрен сизсәгез яки ковид диагнозы куелган кеше белән контактта булып, вирус йоктырдым дип шикләнсәгез, витаминнар эчә башларга һәм туклану рационын үзгәртергә кирәк, дип киңәш итә диетолог Гөлназ Гыймранова.

Аның сүзләренчә, авырудан саклану өчен иммунитетны ныгытырга кирәк.
- Моның өчен менюга аксым кертегез. Ул иттә, балык, чикләвек, сөт продуктларында бар. Безнең иммун күзәнәкләре (лимфоцит, лейкоцит, нейтрофиллар һәм башкалар) нигездә шулардан тора.

Рационда майлар да булырга тиеш (кәҗә сөте, ит, балык, сало, сыер мае). Күзәнәк мембранасы майдан тора, ә ул аны чит микроорганизмнар үтеп керүдән салый.

Составында шикәр булган продуктларны куллануны туктатабыз. Алар организмдагы витаминнар һәм минералларны юып чыгара, шуның белән иммунитетны да киметәләр.

Беренче көннән үк биш көн дәвамында көненә өчәр капсула Циклоферон эчегез.

Биш көн буена көненә өч тапкыр 1000әр мг С витамины эчегез, биш көннән соң тәүлегенә 500әр мг.

Ай дәвамында көненә бер мәртәбә Д витамины (5000 ме), 10000 ме А витамины, 30 мг цинк, төнгә 400 мг магний эчегез.

Әмма бу әле табибка бармаска, пцр-тест бирмәскә, үпкәләрне тикшертмәскә дигән сүз түгел. Иң мөһиме температураны төшерергә тырышмагыз. Ни өчен дигәндә, организмга вирус яки бактерия үтеп кергәч, температура күтәрелә. Безнең организм теләсә кайсы вирусны “танып ала” һәм тәннең температурасын билгеле бер чиккә (38,5-40,5) күтәреп, интерферон бүлеп чыгара. Ә ул, үз чиратында, вирусны үтерә. Моңа якынча 24-27 сәгать кирәк була. Нәтиҗәдә организм шул вируска каршы антитәнчекләр барлыкка китереп, иммунитет тагын да ныгый, - ди диетолог.

Чыганак: "Шәһри Казан"

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: