Актаныш

Гаиләсенә махсус коронавирус йоктырган 42 яшьлек хатын үлгән

Мәскәүдә яшәүче 42 яшьлек хатын үзенә һәм гаиләсенә коронавирусны махсус йоктырган. Бу хакта Facebookта «Семейная» клиникасы директоры Павел Бранд хәбәр итә.

Табиб танышының сыйныфташы белән булган хәл турында язган. Бер хатын-кыз коронавирус белән җиңелчә генә авырган танышыннан авыру йоктырып, җиңелчә генә авырып алырга булган. Шунлыктан ул ике кызын алып, танышларына кунакка килгән. Әлеге хәлдән соң хатынның ике кызы, ире һәм үзе дә коронавирус белән авырганнар.

Хатынның хәле авыр булса да табибларга соң гына мөрәҗәгать иткән. Тик аның гомерен саклап кала алмаганнар, ул үлгән. Аның ире белән олы кызы җиңелчә генә авырган, ә кече кызын яңа гына реанимациядән гадәти палатага күчергәннәр.

Кичә Владимир Путин халыкны актив рәвештә прививка ясарга чакырды. Россия вакцинасының ышанычлы һәм куркынычсыз булуын әйтте ул.

Чыганак: "Ватаным Татарстан"

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: