Ютәлдән - сода пары ингаляциясе

“Кәстрүлгә 1 стакан су агызып, плитәгә куярга. Су кайнап чыккач, вак итеп туралган 6 тырнак сарымсак салырга һәм утны киметергә. Сарымсак 5 минут сүрән утта пешәргә тиеш. Уттан алып, 1 бал калагы чәй содасы өстәргә.

Башка юрган каплап, сарымсак парын тирән итеп борын аша суларга, һаваны авыздан чыгарырга. Шулай су суынганчы суларга.

Ингаляцияне кич йокларга ятар алдыннан ясау файдалы. Гадәттә, өч процедура җитә”, дип яза “Саулык. Татар халык медицинасы”.