«Льготалы дарулар” программасы буенча ковидтан 6 миллион 150 мең сумлык бушлай дару кайткан

           Өй шартларында ковидтан дәваланучы 1067 райондашыбыз шушы программа буенча бушлай дарулар белән тәэмин ителде. Поликлиникадагы табиблар тарафыннан 2342 рецепт язылган. 5570 данә дару авыруларга барып җитте. Бу даруларның гомуми суммасы 6 миллион 150 мең сумны тәшкил итә. Әлеге программа дәвам итә. Бу хакта журналистларга район үзәк хастаханәсе баш табибы Айдар Хәев сөйләде.