Актаныш

Пермь мәктәбендә 40 укучы бала агуланган

Россия Тикшеру комитеты тикшерүчеләре Кулланучылар хокукларын яклау һәм кеше иминлеге өлкәсендә күзәтчелек федераль хезмәте белән берлектә Пермь краеның Верещагино шәһәре мәктәбендә 40 бала агулану сәбәпле тикшерү үткәрә. Бу хакта Россия Тикшеру комитетының Пермь крае буенча тикшерү идарәсе сайтында хәбәр ителә. Күпләп агулану кичә, 22 ноябрьдә, Верещагино шәһәренең 121 нче мәктәп...

Россия Тикшеру комитеты тикшерүчеләре Кулланучылар хокукларын яклау һәм кеше иминлеге өлкәсендә күзәтчелек федераль хезмәте белән берлектә Пермь краеның Верещагино шәһәре мәктәбендә 40 бала агулану сәбәпле тикшерү үткәрә. Бу хакта Россия Тикшеру комитетының Пермь крае буенча тикшерү идарәсе сайтында хәбәр ителә.
Күпләп агулану кичә, 22 ноябрьдә, Верещагино шәһәренең 121 нче мәктәп ашханәсендә булган. Төшке аштан соң 40 бала азык-төлектән агулану билгеләре белән хастаханәгә мөрәҗәгать иткән. Шуларның 27 се хастаханәгә озатылган, 13 бала амбулатор дәвалануда. Барлык авыруларга куелган беренче диагноз - «гастроэнтероколит».
Кулланучылар хокукларын яклау һәм кеше иминлеге өлкәсендә күзәтчелек федераль хезмәте белгечләре мәктәп ашханәсеннән су үрнәген һәм азык калдыкларын тикшерүгә алган. Тикшерүчеләр мәктәп директорыннан, ашханәнең өлкән пешекчесеннән һәм туклану комбинаты директорыннан әлеге хәл буенча сораштыру үткәргәннәр. Тикшерү нәтиҗәләре буенча җинаять эше кузгату өчен карар кабул ителәчәк.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: