Тагын да кәеф турында әйтеп узыйк әле...

 -Шикәр хәл кертә, кәефләрне күтәрә дигән сүзгә алданып, кашыклап шикәр ашарга ашыкмагыз. Ул бары тик эндорфиннарның кинәт үсүенә китерә, ләкин бу озакка бармый, алар никадәр тиз үссә, шулай ук тиз түбәнәя дә,- дип Русия Президентының эшләр белән идарә итү үзәк клиник дәваханәсе табиб-эндокринологы Егана Королева.

                                       Эш шунда икән: шикәр молекулалары организмнан магнийны куып чыгара. Менә шуннан соң инде кеше үзен тагын да начаррак хис итә башлый. Табиб әйтүенчә, магний төрле стресслар вакытында күпләп әрәм була, ә бит ул яхшы йокы һәм нерв системасын нормаль халәттә тоту өчен бик тә кирәк.

                                          Эндокринолог әйтүенчә, кеше организмы өчен тәүлегенә 25 граммнан артык шикәр куллану (бу – 6 чәй кашыгы) һич тә файдага түгел.