Тиздән коронавирустан дару әзер булачак

Русиядә коронавирус инфекциясе үсешен башлангыч этапта туктатырга мөмкинлек бирә торган препарат әзерләнә. Хәзер бу юнәлештәге эш – соңгы стадиясендә. Русия сәламәтлек саклау министры Михаил Мурашко ТАСС агентлыгына шулай дип белдерде.
«Әлегә коронавирус инфекциясенә каршы дару беркемдә дә юк. Хәер, без әлеге авыруны йоктырганнан соң башлангыч этапта аның үсешен туктата торган препарат әзерләүнең соңгы стадиясенә кердек», - дип искәртте министр.
Мурашко сынаулар төгәлләнгәннән соң препарат турында тагын да җентекләбрәк сөйләячәген әйтте. Шулай ук коронавирус инфекциясе йоктырган пациентларны дәвалауда кулланыла торган даруларга кытлык булмаячагын да билгеләде.