Сәламәтлек сагында
ХАЛЫК МЕДИЦИНАСЫ: МЕҢ ДӘ БЕР КИҢӘШ
Балчылык продуктлары искиткеч дәва үзлегенә ия. Рәхәтләнеп куллан гына!
- Простатит, аденома һ.б. авырулар вакытында ашар алдыннан ½ сәгать алдан иртән, көндез һәм кич 30-40 тамчы прополислы спирт эчеп дәваланалар. Моннан тыш, һәр көнне йоклар алдыннан туры эчәккә прополисланган шәм куярга тәкъдим ителә.
- Сидек чыгару юллары авыруы белән хәлсезләнгәндә көн саен 1-3 аш кашыгы кедр чикләвеген чәчкә балы белән кушып ашарга кирәк.
- Энурез (йоклаганда сию) булганда бал белән сары мәтрүшкә төнәтмәсе эчәргә киңәш ителә. Вакланган бер өлеш сары мәтрүшкәне 20 өлеш кайнаган суга салып, су мунчасында (өсте ябылган җылы сулы савытта) ½ сәгать җылыталар.
- Сөзелгән һәм суытылган бу төнәтмәгә җитәрлек күләмдә, парга очкан өлешне тулыландыру максатында, кайнаган су өстиләр. Әзер сыекчага тәменә карап бал салалар. Ун яшьлек балаларга доза— көнгә ¼ стакан, өлкәннәргә ½ стаканга кадәр.
- Нарат җиләгенең коры яфракларын (3 аш кашыгы кадәр) термоска салалар һәм ½ л. кайнаган суда пешерәләр. Аны 2 сәгать суыталар. Шуннан 2 аш кашыгы бал кушалар. Иртән, көндез һәм кич ашар алдыннан 20 минут алдан ½ стакан эчәләр.
Следите за самым важным и интересным в Telegram-каналеТатмедиа
Нет комментариев