“Мобиль поликлиника" Яңа Әлемгә килде: Шәһәр табиблары бушлай карый

            Чаллы шәһәренең 5 санлы поликлиникасы табиблары районыбыз халкын бушлай кабул итә.

          Яңа Әлем медицина пункты фельдшеры Рәзинә Әхмәтгалиева килүчеләрне терки, табибларга озата, аның әйтүенә карганда, беренче көнне гинеколог, эндокринолог, офтальмолог, онколог кебек тар белгечлеккә ия табиблар дәвалау билгеләгән:

    -    14 сентябрьдә мобиль поликлиникага 44 кеше мөрәҗәгать итте. Үзебезнең авыл җирлегендә яшәүчеләрдән тыш, Актаныштан, Богады һәм Әҗәкүл авылларыннан да килеп табибларга күренделәр. Иң күп мөрәҗәгатьләр күз табибына булды. Район хастаханәсендә офтальмолог атнага бер тапкыр гына авыруларны карый, шуңа да әлеге белгечкә ихтыяҗ зур.