"Актаныш-информ" яңа бәйгегә чакыра: Туган авылым минем!

12 гыйнвар 2022, 09:56

9284

Начало конкурса: 12 гыйнвар 2022

Хөрмәтле каләм тибрәтүче дусларыбыз! Сезнең өчен Яңа елга аяк басу белән тагын бер бәйге игълан итәбез. "Туган авылым минем!" дип атадык без аны.

Бәйгегә 8 яшьтән өлкәнрәк иҗатчылар катнаша ала.
Катнашучылардан әлеге теманы ачып бирә торган шигырьләр көтәбез. Гадәттәгечә, иҗат эшегезне үзегез ясаган рәсемнәр яки фоторәсемнәр белән бергә юлласагыз без бик шат булырбыз.

"Туган авылым минем!" бәйгесенә таләпләр:

1. Шигырь татар телендә, татар шрифтлары белән язылган булырга тиеш.

2. Һәр иҗади эш плагиатлыкка ( башка авторларның иҗат эшен күчереп язу) тикшерелә.

3. Җиңүчеләр AKTANYSH-RT.RU сайтындагы эшләргә куелган лайклар саныннан чыгып билгеләнә. (ВК социаль челтәренә куелган лайклар исәпләнми!)

4. Тавыш бирү 21 февраль көнне туктатыла.

5. Җиңүчеләргә истәлек бүләкләре тапшырыла.

Киләчәктә иң уңышлы иҗат эшләрен туплап махсус җыентык нәшер итәргә дә уйлыйбыз. Димәк, әйдәгез, татар шигъриятендә үз эзебезне калдырыйк дисәк, илһамланып эшкә тотыныйк!