“Таң” хуҗалыгында чәчү эшләре дәвам итә

“Таң” хуҗалыгы хезмәтчәннәре чәчүгә 18 апрель  көнне керештеләр. Иң элек 245 гектар мәйданда көздән чәчелгән культураларга өстәп, арпа һәм солы чәчкәннәр. 24 апрельдә төп чәчү башланган. 350 гектар мәйданда арпа орлыклары җир куенына иңдерелгән. 

Хуҗалыкта дүрт чәчү агрегаты кырларны иңли. Инсаф Гәрәев - Быстрица , Рәвис Идрисов – Агромастер,  Айдар Гайнетдинов – ДМС,  Нияз Идрисов СЗП чәчкече белән эш башкара.

-Узган еллар белән чагыштырганда җирнең өсте быел тизрәк җилләде. Ә аста салкын булу сәбәпле, чынлап торып җитешмәде әле, -  диләр механизаторлар. Табигать шартлары мөмкинлек биргәндә, җирдә дым барда тизрәк чәчеп бетерергә дигән максат куеп эшли алар. 

Механизаторларга барлык эш шартлары да тудырылган. Быел гына өр-яңа эш киемнәре кайткан, кайнар азык белән тукландыру оештырылган.