Актанышта узачак районкүләм чыгарылыш кичәсенең кунагы- Самат Нәбиуллин

Чара традиция буенча мәктәпне тәмамлаучы егет-кызларны берләштерәчәк, аларның тормышындагы мөһим этапны билгеләп үтәчәк. Кичәнең кунаклары өчен бай концерт программасы, истәлекле чыгышлар һәм бәйрәм мохиты әзерләнә.

Кичәнең махсус кунагы — талантлы җырчы Самат Нәбиуллин. Тамашачыларны аның популяр җырлары, тере башкару һәм күтәренке кәеф көтә.

Оештыручылар белдерүенчә, чара барышында чыгарылыш сыйныф укучыларына котлаулар җиткереләчәк, укытучыларга һәм ата-аналарга рәхмәт сүзләре яңгыраячак.

Район халкын һәм кунакларны әлеге матур бәйрәмгә чакырабыз,  чыгарылыш кичәсе онытылмас мизгелләргә бай булачак.