Яңа Әлем бакчасына йөрүче балалар һәм аларның әтиәниләре юл кагыйдәләрен төгәл үтәячәк

Балалар  үз яшь төркеменә тиешле белем һәм тәрбия алалар, юл хәрәкәте иминлегенә өйрәнәләр. Бүген әлеге тема буенча әти-әниләр белән берлектә Яңа Әлем балалар бакчасында зур бәйрәм иртәсе узды: һәр яшь төркеме үз яшьләре буенча белемнәрен ныгыттылар.

Уртанчы-зурлар төркеме балалары тәрбияче Ландыш Мөхәррәм кызы җитәкчелегендә төрле ысуллар аша юл хәрәкәте кагыйдәләрен ни дәрәҗәдә яхшы белүләрен исбатлап күрсәттеләр.

Сорау-җавап, слайдлар аша уеннар, юл чатында автомобиль  һәм җәяүлеләрнең светофор сигналларын дөрес карап хәрәкәт итүе, "Билгеләрне дөрес тап", "Төзе һәм аңлатып бир" һ. б. Әти-әниләр исә ике командага бүленеп юл билгеләре, юлларда дөрес хәрәкәт итү турында белемнәрен  барладылар, үзләрен сынадылар.

Бакчаның кунагы-Актаныш районы буенча ЮХИДИ профилактика бүлеге җитәкчесе Ләйсән Рәзиф кызы Мөхәммәтова балаларга һәм ата- аналарга юлларда иминлек теләп истәлекле бүләкләр тапшырды, кагыйдәләрне һәрвакыт үтәп йөрергә чакырып калды.