«Умырзая» бакчасы балалары полиция тормышы белән танышты

Балаларны  Россия Федерациясе Эчке эшләр министрлыгының Актаныш районы буенча бүлегенең шәхси состав белән эшләү төркеме белгече, полициянең өлкән лейтенанты Рәмилә Газизова; ветераннар советы рәисе, отставкадагы милиция майоры Вахитов Васил Гапделхак улы; җәмәгать тәртибен саклау буенча полиция җитәкчесе урынбасары, полиция подполковнигы Рафак Ризванов;  Россия Федерациясе Эчке эшләр министрлыгының  Актаныш районы буенча бүлегенең начальник урынбасары – шәхси состав белән эшләү төркеме җитәкчесе, полиция подполковнигы Радик Басыйров; ЮХИДИнең өлкән дәүләт инспекторы, полициянең кече лейтенанты Зиннурова Лилия Филүс кызы; шулай ук «Юл куркынычсызлыгы» ДБУ бүлекчәсе җитәкчесе Ләйсән Мөхәммәтова каршы алдылар.

Белгечләр балалар белән җылы әңгәмә кордылар, юл йөрү кагыйдәләрен өйрәнергә һәм аларны төгәл үтәргә чакырдылар.

Ә нәни кунаклар, бүлекнең 90 еллыгы уңаеннан, үз куллары белән ясаган бүләкләрен тапшырдылар, ихлас рәхмәт сүзләрен җиткерделәр.

Очрашудан соң тематик видеоролик карау оештырылды.