Мәктәпләрдә 1-10 май көннәрендә каникул ясарга тәкъдим ителде

Россия мәктәпләренә майның барлык озын ял көннәрендә эшләмәскә тәкъдим ителде. Бу турыда Россия мәгариф министры Сергей Кравцовка сылтама белән РИА Новости хәбәр итте.

«Мәктәпләргә (4-7 май), өстәмә белем бирү учреждениеләренә (шулай ук) эшләмәскә тәкъдим итәбез», - дип белдерде Кравцов.

Элегрәк Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) башлыгы Анна Попова Президент Владимир Путинга май бәйрәмнәрен алар арасындагы көннәр хисабына озайтырга тәкъдим иткән иде.

Президент бу идеяне хуплады һәм 23 апрельдә тиешле указны имзалады. Анда 1-10 май көннәре эшләми торган көннәр булачак, диелгән. Мондый карар тотрыклырак эпидемиологик хәлгә ирешү өчен кабул ителде.

Вице-премьер Татьяна Голикова әгәр дә түләү срогы эшләми торган көннәргә туры килсә, хезмәт хакын алдан түләргә кирәклеген аңлатты.