Бу җәй эчендә Татарстанның балалар лагерьларында 100 меңгә якын бала ял итәчәк

Бүгенге көндә Татарстанда 79 балалар сәламәтләндерү лагере эшли башлады, анда 12 меңгә якын мәктәп укучысы кергән. Бу хакта ТР Яшьләр эшләре буенча министры Дамир Фәттахов сөйләде.
 

“Хәзерге вакытта беренче сменаларда 79 лагерьда 12 мең бала ял итә башлады. Безнең барлыгы 119 сәламәтләндерү базабыз бар. Бу җәйге базалар Росспотребнадзорның хуплавын алдылар”, - дип сөйләде әңгәмәдәш. 
 

Татарстан Яшьләр эше буенча министры Дамир Фәттахов белән әңгәмәне 11нче июльдә “События” сайтында күреп була. “Татар-информ”ның Youtub каналында видеоверсиясен карарга мөмкин. 
 

Телевизион вариантын “Галстуксыз әңгәмә” программасында тамашачылар “Татарстан-24” телеканалында бүген 18 сәгать 30 минутта һәм якшәмбе көнне 13 сәгать 30 минутта карарга мөмкин.