ТАГЫН СУ ФАҖИГАСЕ: Агыйдел елгасында балыкчы батып үлгән

28 октябрь көнне 16 сәгать 15 минутта районның коткару бүлегенә Агыйдел елгасында кеше батып үлү хакында ашыгыч хәбәр килеп ирешә.  

Әҗәкүл авылы янында теркәлгән  фаҗигадә 1969 елгы Уфа шәһәре гражданинының гомере өзелгән. Ул безнең якларга  балык тотарга килгән булган. Үлем очрагы көчле дулкында көймәдән суга егылып төшү нәтиҗәсендә килеп чыккан. 

Коткаручылар балыкчыларны сак булырга чакыра. Һава шартларының даими үзгәреп торуы, су өстенең бозлануы аеруча зур куркыныч тудыра – шуны онытмагыз!