«Актаныш җырлары» фестивале җиңүчеләре акчалата бүләкләргә лаек булды
«Актаныш җырлары» фестивалендә беренче дәрәҗә лауреатлар – 13, икенче дәрәҗә лауреатлар – 15, өченче дәрәҗә лауреатлар – 10, дипломат булган башкаручылар саны – 9 булды.
Инсаф Хәбибуллин, Фәнәвис Дәүләтбаев, Мирзанур Фәрукшин һәм Илмир Заһертдинов район башлыгының Рәхмәт хаты белән бүләкләнделәр.
Беренче урын ияләре
“Халыкчан җырчы” номинациясендә Илмир Заһертдинов, Финус Нургалиев, Зәлифә Әмирова үз яшьтәшләре арасында I урынга лаек булдылар.
“Җырлыйм туган якта” номинациясендә балалар сәнгать мәктәбенең квартеты, Усы җирлегеннән “Рәйхан” вокаль ансамбле, Актаныш ветераннар оешмасының хатын-кызлар һәм ир-атлар вокаль ансамбльләре, Иске Байсар мәдәният йортының “Ядкарь” катнаш вокаль ансамбле җиңү яулады.
“Үз илемдә – үз көем” номинациясендә Татар Ямалыдан Айнур Гыйльманов, Актаныштан Ләйсән Разыева, Кировтан Назлыгөл Сираева, Иске Байсардан Әлфия Галиева, Актаныш ветераннар оешмасыннан Назиф Әгъләмов – I урын иясе.
Такталачыктан 80 яшьлек Фоат Вәлиуллинга махсус бүләк тапшырылды.
Следите за самым важным и интересным в Telegram-каналеТатмедиа
Нет комментариев