АКТУАЛЬ ӘҢГӘМӘ: Район хастаханәсе баш табибы Айдар Хәев- Ситуацияне тамырдан үзгәртергә уйлыйбыз
Актаныш район үзәк хастаханәсе поликлиникасының заманча төзекләндерелеше авыл районнарының гына түгел, кайбер шәһәр сәламәтлек саклау үзәкләрен көнләштерерлек. Төзекләндерү берничә этапта башкарылып поликлиника тулысынча бүгенге заман таләпләренә җавап бирә торган бинага әйләнде. Россиякүләм игълан ителгән “Сәламәтлек” федераль проекты кысаларында 2018 елда Актаныш поликлиникасына һәм хатын-кызлар консультациясе урнашкан бүлеккә 51 миллион сумлык төзекләндерү үткәрелгән.
