Актаныш районы эчке эшләр бүлегенә яңа җитәкче билгеләнде

Бүген Россия Эчке эшләр министрлыгының Актаныш районы буенча бүлегенә яңа җитәкче билгеләнде. Әлеге вазифаны полиция подполковнигы Хуҗиев Марат Азат улы башкарачак. Моңа кадәр ул Россия Эчке эшләр министрлыгының Чүпрәле районы буенча бүлек җитәкчесе урынбасары, полиция башлыгы булып хезмәт куйган.

Чара видеоконференция режимында республиканың Актаныш, Менделеевск, Баулы, Чүпрәле, Сарман, Мөслим һәм Спас районнары катнашында узды.