Зур йөк машиналары үлчәнде: Протоколлар да төзелде

Татарстан Республикасында һәм шул исәптән Актаныш районында гомуми файдаланудагы автомобиль юлларының саклануын тәэмин итү өлкәсендә уңайсыз хәл көчәя. Йөк ташу күләме һәм аларның интенсивлыгы арту белән беррәттән, рөхсәт ителгән авырлык параметрларыннан артып киткән авыр йөк ташу транспорт чараларының тоткарлыксыз хәрәкәте барлыкка килүе билгеле.

РФ Федераль законының 2007 елның 8 ноябрендәге 257 номерлы 29 статьясы нигезендә, автомобиль юлларыннан файдаланучыларга махсус рөхсәтсез авыр һәм (яки) зур габаритлы йөкләр ташу тыела. Авыр йөкле транспорт чаралары хәрәкәте юлларның төп эксплуатация күрсәткечләрен, юл конструкциясенең кыйммәтлеген һәм ныклыгын шактый начарландыра, бу юл япмасының бозылуына һәм юл хәрәкәте иминлегенә зур йогынты ясый торган чокырлар барлыкка китерә.
Без Актаныш — Пучы автомобиль юлында торабыз, ул бүгенге көндә зур йөк ташу транспорт чараларының интенсив хәрәкәтеннән аяныч хәлдә, дип белдерә Актаныш районы буенча ЮХИДИ профилактика бүлеге җитәкчесе Ләйсән Мөхәммәтова.

Без шулай ук водитель иптәшләр белән сөйләшеп алдык.

— Юлларда бары тик рөхсәт ителгән нормадагы авырлык белән хәрәкәт итәбез. Рөхсәт алабыз. Кызу кояшлы көннәрдә асфальт катламына зыян килмәсен өчен дә үлчәм кагыйдәләре мөһим, дип саный «КамАЗ» шофёры Руслан Галиуллин.

Руслан әфәнде «Транснефть» оешмасында хезмәт куя. Зур куәтле машина руле артында йөрүнең кыенлыгын күрми. Башка шофёрларны да игътибарлы булырга өнди, юл иминлеге кануннарын бозмауны сорый. 

Чираттагы әңгәмәдәш Актанышныкы булып чыкты. Артур Фатыхов булып чыкты. Ул «ФОРСАЖ» предприятиесендә эшли, самосвалны иярли икән. 

— Башкортстан белән Татарстан чигенә, «М7» трассасы реконструкцияләүчеләргә Уръяды ягыннан ком кебек төзелеш кирәк-яракларын ташыйбыз. Җимерелгән юллардай йөрү бик авыр. Бу профилактик чараны бик хуплыйм. Юлларның яхшы торышын хәстәрләп оештырыла бит, ди ул.

Махсус рөхсәттән башка яисә үлчәү һәм габарит параметрларыннан артып киткәндә административ хокук бозу булып тора, аны кылган өчен административ хокук бозулар турында Россия Федерациясе кодексы тарафыннан транспорт чаралары белән идарә итү хокукыннан мәхрүм итүгә кадәр административ җаваплылык каралган, ә юридик затларга карата 500 000 сумга кадәр административ штраф каралган. Йөк транспортын авыл хуҗалыгы комплексына үлчәү нәтиҗәләре мәгълүматларны эшкәртү үзәгенә керә, анда рөхсәт ителгән авырлык габаритлы параметрлар белән чагыштыру бара. Соңыннан ЮХИДИ административ җаваплылыкка тарту турында Карар кабул итә. 

МАТЕРИАЛГА КУЛ КУЙГАНДА!
АПК транспорт чарасының үлчәү параметрларыннан артып китүенә карамастан (көчләр һәм гомуми масса буенча) транспорт чарасы узу фактларын терки. Бу
транспорт чарасын, аның статусын (махсуслаштырылган, авыл хуҗалыгы техникасы һ.б.) кулланудан гыйбарәт.(Россия Федерациясе регионы).
Штраф санкцияләрен булдырмас өчен, «автомобиль транспортында йөк ташу кагыйдәләре» ндә билгеләнгән үлчәү һәм габарит параметрлары булмаган авыр һәм (яки) зур габаритлы транспорт чаралары хәрәкәтен гамәлгә ашырырга (РФ Хөкүмәтенең 15.04.2011 ел, № 272 карары белән расланган), йә учреждениедә махсус рөхсәт алырга (махсус рөхсәт алу ысуллары сайтта урнаштырылган) киңәш итәбез. Үлчәү контроле пунктларында махсус рөхсәтләр бирелми.

— Профилактика максатларында ел дәвамында Актаныш районында юллардагы хәл контрольдә тотыла. ЮХИДИ бүлекчәсе белән килешү буенча вакыт-вакыт авырлык контроленең күчмә пунктлары чыга һәм хокук бозулар ачыклана, дип сөйлиләр күчмә үлчәм контроле хезмәткәрләре.

Йөк авыр йөкле автотранспорт чараларын үлчәү габаритлары буенча чаралар план нигезендә үткәрелә. Мондый чараларның төп бурычы — автомобиль юлларын саклау, шулай ук юл-транспорт һәлакәтләрен профилактикалау.

Авыр йөкле транспорт чараларының рөхсәтсез хәрәкәтен һәм аларның юл полотносына җимергеч йогынтысын туктатуның нәтиҗәле чарасы булып авыр габаритлы контроль тора.