17 гыйнвардан 31 гыйнварга кадәр Татарстанда «Каршы полоса» профилактик чарасы узачак
2025 елда юл хәрәкәте кагыйдәләрен бозып каршы як полосага чыгу аркасында 54 юл‑транспорт һәлакәтендә 28 кеше һәлак булган һәм 92 яраланган.
Бу саннар- статистика гына түгел. Аларның һәркайсы - кеше фаҗигасе, кайтарып булмаслык югалту яки авыр тән җәрәхәте.
Исегезгә төшерәбез!
Юл хәрәкәте кагыйдәләрен бозып каршы як полосага чыккан өчен 7500 сум штраф яки 4 айдан 6 айга кадәр машина белән идарә итү хокукыннан мәхрүм ителү яный.
Кабат бозган очракта-1 елга идарә итү хокукыннан мәхрүм итү каралган.
Хөрмәтле машина йөртүчеләр! Үзегезнең куркынычсызлык һәм пассажирлар гомере-сезнең кулда.
Юл хәрәкәте кагыйдәләрен төгәл үтәгез: юлда хәвефле маневрлар ясамагыз, һава торышын һәм юл шартларын исәпкә алыгыз.
Исегездә тотыгыз: вакытны берничә минут экономияләү кеше гомеренә тиңләшә алмый!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев