УМАРТАЧЫ БУЛАСЫҢ КИЛСӘ:БАЛАВЫЗ ҺӘМ АНЫҢ КУЛЛАНЫШЫ

                          Бал кортлары  җитештергән  продуктларының  составы, кулланылышы даими өйрәнелә. Бәлки бу хакта яңалыклар тагын да бардыр. Шуңа нокта куярга ашыкмыйбыз. Үзебез белгәннәрне генә язарга тырышабыз. Н.А. Кузьминаның «Балның һәм корт агуының шифасы» китабында, мәсәлән, балавызның борынгы заманнардан ук кулланыла башлавы турында языла (63 бит). Шул чакта ук балавыздан шәмнәр, сыннар, балавызлы буяулар ясаганнар һ.б. 

                          Балавыз бездә медицинада киң кулланыла. Шулай ук аның сәнәгатьнең башка күп кенә башка  тармакларында да, атап әйткәндә,  электротехникада, шулай ук   полиграфия һәм агач эшкәртүдә бик кирәкле материал булуы, чаңгы майлары составына керүе билгеле.