Махсус хәрби операциядә катнашучы райондашыбыз «Батырлык өчен» медале белән бүләкләнде

Райондашыбыз, махсус хәрби операциядә катнашкан Богдан Абышев "Батырлык өчен" медале белән бүләкләнде. 

"Батырлык өчен" медале белән Россия Федерациясе гражданнары Ватанны һәм Россия Федерациясенең дәүләт мәнфәгатьләрен яклау, шулай ук халыкара тынычлыкны һәм иминлекне саклау яки торгызу буенча хәрби һәм башка операцияләрне башкарганда күрсәткән батырлыклары өчен бүләкләнә.

Батыр егетебезне ихластан котлыйбыз! Исән-сау әйләнеп кайтырга язсын! 

Богдан, нәкъ 1 ел элек МХОдан кыска вакытлы ялга кайткан арада тормыш иптәше Мария белән никахлашкан иде.

Актаныш районы матбугат үзәге.