МӨҺИМ ХӘБӘР: Алимент түләтә алмыйсыз икән, иртәгә сезгә хокукый ярдәм күрсәтәчәкләр

4 сентябрь, сишәмбе көнне, район хакимият бинасының икенче катында (18нче кабинет) балигъ булмаган балалары булып, әти-әниләре алимент түләмәүче гаиләләргә хокукый ярдәм күрсәтү буенча бердәм кабул итү көне үткәрелә. 

Консультация төркемендә суд приставы,  башкарма комитет, мәшгульлек үзәге, социаль яклау бүлеге вәкилләре катнашачак. 

Сезне иртәнге сәгать 10.00да  Актаныш авылы, Ленин проспекты 17 йорт адресында көтеп калабыз! 

Сүз уңаеннан, алга таба да  әти-әниләре алимент түләүдән качып йөргән балигъ булмаган балалары булган гаиләләргә хокуки ярдәм күрсәтү өчен бердәм кабул итү көне һәр айның беренче сишәмбесендә оештырылачак.