ӘЗЕР БУЛЫП ТОРЫЙК: Татарстанда салкыннар башлана

(Казан, 19 гыйнвар, «Татар-информ»). Иртәгә, 20 гыйнварда, Татарстанда салкын һава торышы була. Бу турыда Татарстан Гидрометеорология һәм әйләнә-тирә мохитне күзәтү идарәсе матбугат хезмәте хәбәр итә.

Төнлә һәм иртән аязганда температура -17 градуска кадәр төшәчәк. Көндез һава температурасы 6-11 градус салкын булачак.

Шул ук вакытта республикада аязучан болытлы һава саклана. Төнлә кар явачак, кайбер районнарда буран булуы ихтимал. Көндез урыны белән кар явачак. Юлларда бозлавык саклана.

Бу хакта тулырак: https://tatar-inform.tatar/news/2019/01/19/179135/