Актаныш

АКТАНЫШТА ШИМБӘ ӨМӘСЕ:Пөхтәлек барыбыз өчен дә бит...

Бүген, кояшлы шимбә көнне районыбызның экологик өмәсе күп халык катнашлыгында үтте һәм шактый эшләр башкарылды да инде.

                                      Районыбызның һәр авыл биләмәсендә дә кызу эш кайнады. Хуҗалыклар, предприятиеләр, учреждениеләр һәм оешмалар эшчәннәре, дәррәү тотынып, үз биләмәләрен, һәйкәл-парклар, чишмә буйларын, буа-күлләр, елга ярларын чүп-чардан арындырды, сынган агачлардан, былтыргы үлән сабакларыннан, коелган яфраклардан тазартты, тирә-юнҗнәрен тәртипкә китерде.


                                      Район үзәгендә дә күмәк өмә зур оешканлык белән үтте. Предприятиеләр, оешма-учреждениеләрнең зур күпчелеге, әйләнә-тирәлегебезнең пөхтәлеге үзебез өчен әһәмиятле булуны яхшы аңлап, җыештыру-төзекләндерү эшенә зур җаваплылык белән карады. Берничә сәгать эчендә чүп-чардан, коелган яфраклардан арынып калган Актаныш урамнарына ямь керде, район үзәге күзгә күренеп матурланып калды. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: